MASARAUTAR ALHAMRA

ɗin dake gabanta. Ƙamshin Sugar-coated ɗin nan yana ratsa hancinta, yana tunatar da ita daidai lokacin da ta tsaya a kasuwa tana sha'awa amma ta kasa siya.. Ta ɗauki guda ɗaya ta kai baki. Zaƙin ya narke a harshenta, wani irin sanyi ya ratsa zuciyarta. Amma duk da daɗin, hannunta yana rawa.. Ta lumshe idanu, tana jin yadda zaƙin yake ratsa ta. A ranta tana tunanin.. "Wane irin aljani ne wannan? Ta yaya ya san abin da nake so? Kuma ta yaya ya keta wannan katangar haske da kowa yake tsoro?".. Domin a saninta dai akwai wani hasken shocking a kewaye da masarautar nan saboda aljanu.. Tsoro ya fara ba wa shauƙi fili. Ta san cewa shingen masarautar Alhamra ba abin wasa ba ne, an ƙirƙire shi ne don ya raba jiki da ran duk wani aljani da ya yi gigin kusantowa. Amma shi, ya tsallake shi kamar iska, ba ma don ya kai hari ba sai don ya ba ta kyautar abin zaƙi... Ta sake karanta ƴar takardar dake hannunta.. "Sakamakon sarki ba ya ƙarewa a baki kawai..." "Requite..." ta maimaita kalmar a hankali. Ta tuna littafin da ta gani a kasuwa mai magana akan wannan kalmar. Ashe shi ma ya karanta abin da nake karantawa? Ko kuma shi ne asalin jarumin da littattafan suke magana a kansa?.. Wani irin murmushi mai tattare da fargaba ya subuce mata. Ta ji kanta a matsayin wata ganima da babban sarki yake nema, amma ba ta san ko za ta buɗe masa ƙofa ko kuma ta ƙara ƙarfafa shingen zuciyarta ba... Yayin da take cin sauran cakes ɗin, ta ji wani irin bugun zuciya na daban. Ta san yana nan kusa, tana jin sa a cikin jinin dake yawo a jikinta. Wannan Blood Bond ɗin ya zama tamkar rediyo dake nuna mata cewa ba ita kaɗai ba ce... Sai da ta gama cinye abubuwan tass sannan ta miƙe ta nufi taga, ta kalli hasken masarautar daren dake waje. Hasken tsaron masarautar yana ta walƙiya a nesa.. "Kayi kuskure idan kana tunanin za ka iya mallake ni da waɗannan kyaututtukan," ta raɗa wa iska, kodayake tana sane da cewa zuciyarta ta riga ta fara karɓar saƙon sa...... 👍 Like 🔁 Share 💬 Comment *👑 MASARAUTAR ALHAMRA 👑* _🪄 Gidan Mulki, Iko da Sirrin Zuciya 🪄_ ✍🏽 By ASMEETAH WRITER ~Hasken Jajirtattu~ 💪 *JAJIRTATTU WRITER'S ASSOCIATION*💪 ✍️ ```JARUMAI WRITERS TEAM``` ⚠️ SANARWA⚠️ Wannan littafi dukiyata ce a matsayina na marubuciya. ⚖️ Ba a yarda wani ko wata ya: kwafa gyara sauya ko amfani da wani sashe na wannan labari ba tare da izini na kai tsaye ba. Duk wanda ya saɓa, alhaki yana kansa.. ▶️ DON BIYO DAGA FARKO 👇 🔗 WhatsApp Channel: https://whatsapp.com/channel/0029VbBCNlqJUM2RQwWncg43 📚 ArewaPen: https://arewapen.com/u/asmeetahwriter 📖 Wattpad: https://www.wattpad.com/user/asmeetahwriter 📲 Contact: 09065443871 📅 FARA TURA BOOK: 🔥 01 — 01 — 2026 🔥 📘 BOOK ONE ```MATAKIN FARKO``` CHAPTER 1️⃣5️⃣ *بِسْمِ اللَّهِ الرَّحْمَٰنِ الرَّحِيمِ* Bayan kwana biyu. Sarki Nourdeen ya ba da umarni na gaggawa, inda ya buƙaci ganin dukkan jami'an sojojinsa da dakarun tsaro. Nan take kowa ya halarta, kowa ya jera a layin da ya dace a babban ƙofar fadar. A cikin dakarun har da Inuwa, wacce take tsaye tana nazarin yanayin da ake ciki.. Abin da ya fi ba kowa mamaki shi ne fitowar sarki. A wannan karon, Sarki Nourdeen ya fito ne tare da fadawansa da tafidarsa, amma babban abin al'ajabin shi ne Sarki ya cire sirrin dake rufe da fuskarsa, ya fito a asalin siffarsa... Duk ma'aikatan ciki har da waɗanda suka daɗe a fada, babu wanda ya taɓa ganin fuskar sarki haka fili sai a yau. Da farko da yawa sun ɗauka ba sarkinsu ba ne, sai da suka ji sautin muryarsa da irin izzar da yake magana da ita, sannan kowa ya tabbatar cewa lallai Zakin Alhamra ne. Sarki ya kalli dakarunsa, fuskarsa a murtuƙe cikin tsananin damuwa. Ya yi jawabi mai zafi.. "Na tara ku ne don in sanar da ku cewa masarautar nan tana fuskantar barazana. Ina umartarku da ku ƙara sa ido fiye da kowane lokaci. Kada ku yarda wata baƙuwar fuska ta shigo cikin masarautar nan ba tare da izini ba. Mutanen Pavilion suna shiri ne na musamman don ƙwace mana ikonmu da mutuncinmu." A ransa, sarki ya riga ya gama yanke hukunci. Ba zai bayar da ko ɗaya daga cikin ƴaƴansa ba. Ya gwammace ya fuskanci yaƙi da Chief Onyx da ya amince da wannan cin fuskar na mayar da gimbiya ƴar aiki... Bayan sarki ya kammala jawabin ya koma cikin fada, dakarun kowa ya kama gabansa cikin fargaba.. Amma Inuwa ta shiga wani dogon tunani. Ta tsaya a inda take, tana maimaita sunan a ranta. "Pavilion..." Wace irin daula ce wannan da har mahaifinta, sarki mai iko, zai fito ya nuna fuskarsa fili sannan ya nuna tsoronsu haka? Zuciyarta ta gaya mata cewa akwai wani babban sirri dake ɓoye tsakanin Alhamra da Pavilion... ✨✨ A can daular Pavilion, yanayin ya sha bamban da fargabar dake cikin Alhamra. Wurin shakatawa private pool na Chief Onyx wuri ne dake cike da natsuwa, inda ruwan ke sheƙi ƙarƙashin hasken lantarki na zamani. Chief Onyx yana cikin ruwan, ya nitse gaba ɗaya har zuwa ƙasan pool ɗin. Ya kwanta a can ƙasa tamkar ba ya buƙatar numfashi, idanunsa a rufe yana dogon nazari. Ruwan yana kewaye faffaden ƙirjinsa da kuma dogon gashinsa dake yawo a cikin ruwan... Ga kowa, wannan lokaci ne na wanka da hutu, amma ga Onyx, lokaci ne na tsara dabarun da za su girgiza duniya... Tana taku cikin natsuwa, Robot ɗinsa ta shigo sashen pool ɗin. Ta tsaya a gefen ruwan, idanunta na karatu da binciko dukkan motsin dake kewayenta. Ba tare da ɓata lokaci ba, ta fara magana da muryarta mai sanyi dake ɗauke da hujjoji.. "Chief, bayanan da na tattara daga Alhamra sun tabbatar da cewa Sarki Nourdeen ya janye yarjejeniyarsa. Ya tara dakarunsa ya ba su umarnin ƙara tsaro, kuma ya nuna cewa ba zai bayar da ko ɗaya daga cikin ƴaƴansa ba. Ya zaɓi yaƙi maimakon biyayya." Duk da wannan babban labarin dake nuna cin amana, Chief Onyx bai ko motsa ba. Ya ci gaba da kwanciya a ƙasan ruwan na wasu daƙiƙoƙi. Labarin bai girgiza shi ba domin dama ya san halin raunin zuciya na Sarki Nourdeen... A gare shi, Alhamra tamkar ƙanƙarar dake narkewa take, ba ta da abin da Pavilion take da shi ninkin-ba-ninki... Ko a yau yaso a fara yaƙi, ya san cewa rushe Alhamra abu ne na mintuna, ba ma sa'o'i ba... Can sai ya fara fitowa daga cikin ruwan a hankali. Yayin da fuskarsa ta bayyana a saman ruwan, gashinsa ya jiƙe ya kwanta a kafaɗunsa, sai ya yi wani irin la'anannen murmushi. Murmushi ne mai cike da ma'anoni dubu na rainin wayo, na jiran lokaci da kuma na muguntar da zai yi wa duk wanda ya yi tunanin zai iya yaudararsa... Bai furta ko kalma ɗaya ba, amma murmushin ya riga ya faɗi komai.. Wasa ya ƙare... Chief Onyx ya miƙe tsaye ya fito daga cikin pool ɗin, ruwa yana ta zuba a jikinsa tamkar wani dodo da ya fito daga teku. Ya kalli Robot ɗinsa da idanuwansa waɗanda suka sauya launi saboda jin shirin yaƙi.. Ya tsaya yayin da Robot ɗin take miƙa masa wani babban farin towel don ya busar da jikinsa. Ba tare da ya kalle ta ba, ya ce. "U. Nourdeen ya zaɓi hanyar da zata kai shi ga halaka. Tunda ya fasa yarjejeniyar, to mu ma za mu nuna masa cewa Pavilion ba ta magana sau biyu. Ki fara shirin Cyber-Attack..." Nan take Robot ɗin ta fara latsa wasu na'urori dake jikin hannunta. A cikin daƙiƙu ƙalilan, duk hanyoyin sadarwa na masarautar Alhamra suka fara samun matsala. Na'urorin tsaro na fada CCTV suka fara daukewa, sannan hasken wutar lantarki na wasu sassan fadar ya fara dishi-dishi. Wannan shi ne shirin farko na durƙusar da masarautar ta hanyar fasaha kafin ma a kai ga amfani da takobi... Bayan nan, Chief Onyx ya ba da umarnin tura wasu tsuntsayen na'ura Drones waɗanda aka ƙera su daidai da siffar tsuntsayen gaske amma suna ɗauke da na'urorin leken asiri da makaman guba... "Ina son ganin kowane lungu da saƙo na Alhamra," in ji Chief Onyx. "Dole ne in san inda ya ɓoye ƴaƴan nasa. Musamman wadda zuciyata take gaya min cewa ita ce mabuɗin wannan masarautar.".. ✨✨ A can Alhamra, Inuwa dake zaune a gefen titi masarautar tana tunani, kwatsam sai ta ga wasu tsuntsaye guda biyu sun gilma ta kanta. Sai dai takunsu da sautin fikafikansu ya bambanta da na tsuntsayen da ta saba gani. Zuciyarta ta buga, ta miƙe ta fara bin su da kallo. A lokaci ɗaya, duk kofofin zamani na fada suka daina aiki, hakan ya jefa jami'an tsaro cikin ruɗani... Master Ibrahim ya fito yana ta tsawa, "Me yake faruwa? Me ya sa injinanmu suka tsaya?".... Ayat tana tsaye a tsakiyar harabar fadar, idanunta sun yi jawur tamkar na mace-macen daji. Ta ga yadda ɗaya daga cikin tsuntsayen na'urar yake shawagi kusa da ita. Ba tare da ɓata lokaci ba, ta zura hannu ta ɗauko majaujawar dake jikinta, ta saka dutse mai kaifi ta saita shi da kyau... Dutsen ya tafi da gudun gaske, ya doki fikafikin tsuntsun. Na'urar ta fara fitar da wuta tana sparks, ta faɗo ƙasa tana tangal-tangal. Ayat ta ruga da gudu ta ɗauko shi kafin kowa ya gani. Ta dubi cikin idon tsuntsun, wanda kyamara ce ta leken asiri, ta ji gabanta ya faɗi. Ta gane cewa daga wannan kyamarar wani can nesa yana kallonta... ✨ A can ɗakin Chingching, tana zaune tana murnar samun kazar da aka soya mata da yaji, kwatsam sai wutar lantarki ta ɗauke gaba daya.. "Wayyo! Uma Altine! Wutar ma satarsa aka yi ne?" Chingching ta fara kuka tana laluɓar kazar ta a cikin duhu.. Ta fito waje tana ƙiran "Daddy! Daddyy!!...", tana tsoron kada wani ya kwashe mata kazar... Ita a tunaninta ba babban al'amari ne ya faru ba, kawai dai an hana ta jin daɗin abincin dare ne. Wanda hakan ya sa wasu ma'aikatan suka ɗauka ko an kawo wa fadar hari ne.. Sarki Nourdeen yana cikin ɗakin taro na sirri lokacin da duk fuskokin kwamfutocinsa suka nuna alamar Access Denied.. Ya buga teburin gabansa cikin matsanancin firgici. "Yau ne? Chief Onyx, ashe ba za ka jira kwanaki ukun su cika ba?" Sarki ya raɗa cikin tsoro. Ya gane cewa daren nan ne fushin Pavilion ya fara sauƙa. Ya gane cewa duk wani shiri da yake yi na ɓoye 'ya'yansa, Chief Onyx ya riga ya san inda suke ta hanyar waɗannan drones ɗin... ✨✨ A can Pavilion, Chief Onyx yana kallon allon dake gabansa, inda kyamarar tsuntsun da aka harbo take nuna masa fuskar Inuwa kafin ya ɗauke gaba ɗaya. Ya saki wani murmushi mai sanyi... "Wannan yaron... ko kuma ince wannan 'yar tawayen," Chief ya faɗa a fili... "Kina da ƙoƙarin ɓoye asirinki, amma baku san cewa duk motsinku yana karkashin ikona ba."... Wannan lokaci ne da lamura suka hargitse a masarautar Alhamra, inda fasahar Pavilion ta mamaye kowane lungu... A daidai lokacin da Ayat take tsaye tana juya tsuntsun ƙarfen da ta harbo, sauran dakarun fada sun ruɗe. Waɗanda suke da bindigogi suna ta harbi zuwa sama, yayin da wasu suke saran tsuntsayen na'urar da takobi suna ihu. Cikin wannan hargitsin, Robot Z-01 ta bayyana a fadar tamkar iska, ba tare da kowa ya lura da shigowarta ba... Ayat ta ga wata inuwa ta rufe ta, tana ɗagowa sai ta yi ido huɗu da wata kyakkyawar budurwa, fara sol tamkar 'yar kasar China, sanye da bakaken kaya matsattsu. Kafin ma Inuwa ta yi tunanin ko ita wacece ko kuma ta kai hannu ga takobinta, Robot ɗin ta yi wani irin zafafan taku. Wani uban mari Robot din ta zabga wa Inuwa, marin da ya sa Inuwa ganin taurari, ta tafi luu ta durƙushe a ƙasa. Ƙarfin hannun Robot ɗin ya wuce na ɗan Adam. Ba tare da bata lokaci ba, Robot din ta fizgo hannun Inuwa da karfi, ta damko ta tamkar yadda ake damkar tsuntsu... Cikin kwarewa da sauri, ta janyo Inuwa wacce har yanzu take cikin jiri, ta nufi wata boyayyar hanyar fita da ita... Robot ɗin ta jefa Inuwa cikin wani ƙaramin jirgi mai saurin gaske wanda yake jiran su a bayan fada. Cikin 'yan daƙiƙu jirgin ya tashi zuwa sararin samaniya, ya bar Alhamra cikin hayaki da rugujewar tsaro... Ayat tana zaune a cikin jirgin, hannunta a ɗaure da wasu ankwan ƙarfe na lantarki, tana kallon Robot ɗin dake zaune a kusa da ita ba tare da ko kifta ido ba... Ayat tana zaune a cikin wannan ƙaramin jirgi mai gudu, tana jin yadda iskar sararin sama take ruri a wajen jirgin. Duk da zafin marin da ta sha da kuma jirin dake kanta, ƙwaƙwalwarta ta fara aiki da sauri. Ta kalli Robot ɗin dake zaune kusa da ita, wadda idanunta suke kallon gaba ba tare da motsi ba.. Ayat ta lura cewa hannayenta suna ɗaure da waɗancan ankwan na lantarki masu fitar da wani ɗan haske... Ta fahimci cewa wannan yarinyar Robot ce ba ɗan Adam ba ce, yanayin numfashinta da yadda ba ta kifta ido sun tabbatar mata da hakan.. Don haka, dole ne ta yi amfani da dabarar da ta fi ta ƙarfin jiki.. Ayat ta tuna tsuntsun na'urar da ta harbo ɗazun, har yanzu akwai guntuwar wayar da ta ciro daga cikin tsuntsun... Da sanɗa, ta fara goga guntun wayar nan mai magnet a jikin ankwan dake hannunta... Ta sani cewa idan ta samu ta haɗa wutar lantarki a tsakanin ankwan da wayar, za su iya buɗewa... Wani ɗan tartsatsin wuta ya fito. Robot ɗin ta juyo da kanta da sauri, amma Ayat ta yi saurin dunƙule hannunta da wayar tana rarraba ido tamkar tana kuka ne saboda tsoro.. Ganin Robot ɗin ta ɗauke kanta, Ayat ta ƙara haɗa wayar kwatsam ankwan suka buɗe, ta cire ankwan... Ba tare da ɓata lokaci ba, ta kai wa Robot ɗin duka da sauri, amma Robot ɗin ta tare ta tare da damƙe wuyanta.. "Ba za ki iya tserewa ba," Robot ɗin ta faɗa da muryarta mai sanyi.. Ayat ta yi murmushin yaƙi tare da faɗin.. "Ba tserewa zan yi ba, jirgin zan lalata!" Ta buga ƙafarta kan wani babban jan button dake kusa da mazaunin matuƙin jirgin. Jirgin ya fara tangal-tangal, hayaƙi ya fara tashi daga injin ɗinsa. Robot ɗin ta saki wuyan Ayat don ƙoƙarin saita jirgin, hakan ya ba Ayat damar nufi ƙofar gaggawa Emergency exit... Kafin Robot ta ankara, Ayat ta tura ƙofar, ta jefa kanta waje zuwa ƙasi daga sararin sama... Ayat tana ta shawagi a cikin iska, tana faɗowa daga sama da gudu... A wannan lokacin, ta rufe idanunta ta sadaukar da rayuwarta ga mutuwa. Ta gwammace ta tarwatse a ƙasa da ta shiga hannun Pavilion da hatta mahaifinta shakkarsa yake.. Kafin jikinta ya daki ƙasa, kwatsam sai wani haske mai ƙarfi da kwarjini ya bayyana. Wannan hasken ya riƙe ta tamkar wani bargo mai laushi, ya naɗe ta cikin sanyin da ya fi kowane irin ni'ima. Cikin ƙiftawar ido, hasken ya wuce da ita kamar walƙiya.. Inuwa ba ta sauƙa a ko'ina ba sai a tsakiyar gadonta na alfarma, asalin gadon Gimbiya Ayat. Ma'aikatanta da suke can falo ba su ma sani ba, domin a tunaninsu Gimbiya tana ciki tana barci.. Ta zaro ido tana waige-waige, numfashinta yana fita da sauri "Hah... hah...!" Ta kalli rufin ɗakin, ta kalli jikinta, ta kasa yarda cewa yanzu take sararin sama amma yanzu tana cikin ɗakinta... Zuciyarta ta fara wani irin bugun sauri, nan take hoton King Diamond ya bayyana a ranta. Ta ji a jikinta cewa shi ne ya cece ta. Duk da cewa King Diamond ba zai iya shigowa cikin fadar ba saboda shingen tsafin dake kare masarautar, amma ya samu nasarar dasa mata tunaninsa da siffarsa a cikin zuciyarta.. Wani irin yanayi mai sarƙaƙƙiya ya baibaye ta. Ta ji tana son yin dariya saboda farin cikin tsira, tana son yin kuka saboda tsoron da ta fuskanta. Ta dafe ƙirjinta inda take jin ɗumin wannan hasken har yanzu, ta raɗa a hankali.. "Nagode... da taimako." A can wajen masarautar, a saman iska, King Diamond yana tsaye idanunsa suna haske kamar taurari. Ya ji kalmomin da ta faɗa a cikin zuciyarsa, ya gamsu da cewa ya fara samun gurbi a cikin zuciyar gimbiya mafi taurin kai a duniya.. A daidai wannan lokacin, a gefen masarautar Alhamra, King Diamond ya tsaya ya miƙa hannunsa guda zuwa sararin sama. Ya kalli tsuntsayen na'ura na Chief Onyx da suke ta faman addabar mutanen fada.. Ba tare da ya furta uffan ba, sai ya girgiza yatsunsa. Nan take, wasu bakaken harshen wuta na aljanu suka fara tashi daga ƙasa suna bin tsuntsayen nan ɗaya bayan ɗaya. "Buum! Buum!! Buum!!!" Tsuntsayen na'urar suka fara fashewa a sararin sama, suna narkewa tamkar tsohon dalma. Duk wani leken asiri da Chief Onyx yake yi ya daukewa gaba ɗaya allon kwamfutocin Pavilion.. haka yake nuna Static.. Robot Z-01 ta sauƙa a filin saukar jirage na Pavilion cikin sauri. Tana taku cikin natsuwa amma akwai alamun damuwa a tattare da tsarin na'urorinta.... Ta bayyana a cikin katafaren falon Chief Onyx, takun ƙafafunta kawai ke tashi. Ta tsaya nesa da shi kaɗan, fuskarta ba ta nuna alamar tsoro ba amma tsarin na'urorinta ya nuna cewa tana cikin yanayi na Internal Error saboda rashin nasarar da ta samu... Chief Onyx yana tsaye a bakin wata ƙatuwar taga dake kallon daular birnin Pavilion, hannunsa ɗaya riƙe da kofin abin sha na alfarma..ba tare da ya juyo ba yake sauraronta.. Cikin muryarta mai sanyi, Robot ɗin ta fara magana, "Chief... na kasa kammala aikin. Abin harin ta kuɓuce daga hannunmu a cikin sararin sama. Wani iko dake wuce tunanin na'ura ya ɗauke ta." Chief Onyx ya yi shiru na ɗan lokaci, iskar dake busawa daga taga tana kaɗa dogon gashinsa. Ba tare da ya kalle ta ba, ya furta cikin murya mai zurfi dake cike da natsuwa da kuma nauyin gaske.. "Yau ne karon farko da kika taɓa kawo mun rahoton gazawarki..." Jin waɗannan kalmomi daga bakin Chief Onyx ya sa Robot ta sunkuyar da kanta ƙasa da sauri. Duk da cewa ita na'ura ce, an ƙera ta da wani irin tsari na kishin aiki da biyayya ga jagoranta. Sunkuyar da kanta da ta yi ya nuna tsananin rashin jin daɗin yadda ta ba shi kunya a wannan babban aikin da ya sanya ta... Falon ya sake yin shiru, sai ƙarar tartsatsin wuta dake tashi daga allon kwamfutar dake gefe, wanda ke nuna cewa duk tsuntsayen na'urar da aka tura Alhamra an tawarwatsa su. Chief Onyx ya ci gaba da kallon waje, amma a ransa ya san cewa wannan yaƙin ya sauya salo. Tunda har akwai wani iko da zai iya ƙwace mutum daga hannun Z-01, to tabbas akwai wani Sarki na daban dake kare Alhamra wanda ba Sarki Nourdeen ba... ✨✨ Ayat tana nan zaune a kan gadonta, ta cire kayan maza ta ɓoye su a yanda take ajiye su. Ta sanya kayan barci na alfarma na gimbiyoyi, ta zauna tana sauraron ƙarar fashewar tsuntsayen na'urar dake faruwa a waje... Zuciyarta tana gaya mata cewa daren nan ya zama daren canji. Ta gane cewa akwai mai tsaronta a ko'ina, tana da wani babban masoyi kuma kare-dangi wanda ko shingen tsafi ba zai iya dakatar da tausayinsa gare ta ba. Ta gyara kwanciyarta, tana murmushin da ita kaɗai ta san ma'anarsa, yayin da tsoron Chief Onyx ya fara fita daga zuciyarta.... Gimbiya Zayana jin abinda ke faruwa ba ƙaramin tsorata tayi ba, domin tsawon shekaru abu makamantan haka bai taɓa faruwa ba... ✨✨ Bayan sati biyu da faruwar dambarwar tsuntsaye.. Masarautar Pavilion ta yi tsit. Chief Onyx bai sake turo wani hari ba, kuma bai sake maganar yarjejeniya ba. Amma wannan shirun ya fi kowace ƙarar bindiga tsoratarwa a wurin Sarki Nourdeen. Ya sani cewa Chief Onyx baya hakura, kawai dai yana jira ne ya ga sarki ya nakasa kafin ya karkare shi... Sarki Nourdeen ya zauna a cikin tsararren falonsa na sirri, yana tunanin ko ya faɗawa Ruma halin da ake ciki ne. Amma nan take ya girgiza kai. Ruma mace ce mai son zubar da jini, ita a wurinta duk matsalar da aka samu kisa ne kawai mafita. "Idan na gaya mata, to karshen Alhamra ya zo, domin zata tunzura Chief Onyx ya yi abin da ya fi kisa muni," sarki ya faɗa a ransa... Sarki ya kalli Tafida, amintaccensa wanda suke zaune a falon sirri. Ba kowa a wurin don haka maganar sirri ce ta musamman.. "Tafida, wace shawara kake da ita? Kwanaki sun ja, kuma Chief Onyx yana jiran mu," Sarki ya faɗa cikin muryar damuwa.. Tafida ya gyara zama, ya dube sarki ido-da-ido.. "Ranka ya daɗe, abu ɗaya nake tunanin shine mafita... Me zai hana ka kai masa Yumna?" Sarki ya ɗago a ruɗe, zuciyarsa ta buga. "Yumna kuma? Kana nufin Yumna ɗiyar da kowa ya ɗauka tawa ce?" Tafida ya jinjina kai, "Tabbas. Shi Chief Onyx bai san ta ba, tun tana ƙarama rabonsa da ita. Ba zai taɓa gane cewa ƙanwarsa bace ta jini. Idan ma mugunta yake son yi wa 'ya'yanka, to sai dai ya yi wa ƙanwarsa a rashin sani. Kuma tunda ita tafi kowa sanyi da biyayya, zata iya zama da shi ba tare da ta jawo maka matsala ba.".. Sarki ya jinjina kai, ransa ya ɓaci da tunanin yadda zai kalli Yumna ya ce ita zai kai... "Amma Tafida, kowa ya ɗauka 'yata ce. Babu wanda ya san cewa ba daga cikina ta fito ba. Idan na ba shi ita, ba ka ganin wata rana gaskiya zata fito?" Tafida ya yi murmushin kwantar da hankali. "Ranka ya dade, wannan shi ne asirin da zai kare ka. Ta zama personal maid ɗinsa, amma a asali ita kanwarsa ce. Idan ya cutar da ita, ya cutar da jininsa. Idan ya so ta, ya so kanwarsa. Kuma hakan zai sa ya daina neman sauran 'ya'yanka." Sarki Nourdeen ya ja numfashi, ya gamsu da wannan dabarar koda yake zuciyarsa tana masa nauyi.. "Shikenan Tafida. Shirya yadda za a sanar da ita, amma kada wani ya san asalin gaskiyar nan.".. Tafida ya ce, "Baza'a sanar da ita ba, kawai za'a kaita a matsayin bata san meke faruwa ba, da zaran an kaita acan zata ji dalili..." 👍 Like 🔁 Share 💬 Comment *👑 MASARAUTAR ALHAMRA 👑* _🪄 Gidan Mulki, Iko da Sirrin Zuciya 🪄_ ✍🏽 By ASMEETAH WRITER ~Hasken Jajirtattu~ 💪 *JAJIRTATTU WRITER'S ASSOCIATION*💪 ✍️ ```JARUMAI WRITERS TEAM``` ⚠️ SANARWA⚠️ Wannan littafi dukiyata ce a matsayina na marubuciya. ⚖️ Ba a yarda wani ko wata ya: kwafa gyara sauya ko amfani da wani sashe na wannan labari ba tare da izini na kai tsaye ba. Duk wanda ya saɓa, alhaki yana kansa.. ▶️ DON BIYO DAGA FARKO 👇 🔗 WhatsApp Channel: https://whatsapp.com/channel/0029VbBCNlqJUM2RQwWncg43 📚 ArewaPen: https://arewapen.com/u/asmeetahwriter 📖 Wattpad: https://www.wattpad.com/user/asmeetahwriter 📲 Contact: 09065443871 📅 FARA TURA BOOK: 🔥 01 — 01 — 2026 🔥 📘 BOOK ONE ```MATAKIN FARKO``` CHAPTER 1️⃣6️⃣ *بِسْمِ اللَّهِ الرَّحْمَٰنِ الرَّحِيمِ* Bayan sati biyu na jinya a ƙasar Indonesiya, Maayah ta dawo Alhamra cikin ƙoshin lafiya, Kowa ya yi murnar ganinta amma murnar ta fili ce, domin a zuci kowa akwai abin da yake saƙawa. Sarki Nourdeen ya shigo ya nuna farin cikinsa, duk da cewa ransa rabi yana kan shirin tura Yumna Pavilion ne... Maayah tana zaune a kan kujera ta alfarma, tana nuna isa, yayin da Yumna take zaune a gefenta tana mata hidima... Sai ga Gimbiya Ayat ta shigo, sanye da riga ta alfarma wadda aka ƙawata da zaren zinare, kanta rufe da mayafi mai tsada wanda ya fito da kyan idanuwanta domin tana rufe da rabin fuska ne kamar yanda ta saba. Saratu tana biye da ita a baya tana taku cikin ladabi. Babu wanda zai kalle ta ya yi tunanin ita ce wannan dakare wato Inuwa... Ta samu wuri ta zauna kusa da gadon Maayah, "Sannu da dawowa Maayah. Allah ya ƙara miki lafiya. Yi haƙuri da baki ganni ba kafin ku tafi, jikina ne ya ɗan yi tsami a lokacin." Maayah ta gyara kwanciya tana yatsina fuska. "Ba komai Ayat. Na san ai ke baki cika son shiga harkar mutane ba, sai dai idan abin ya shafi Chingching..." Ayat ta kalleta cike da mamaki a ranta tace, "wato yanzu an daina respect, ba Auntyn ma..." Zayana ta tura ƙofa ta shigo kamar iska, sanye da wata riga 'yar kanti dake nuna asalin jinin baturiya. Ta kalli Ayat ta taɓe baki, sannan ta kalli Maayah... "Oh... ashe duk an taru a nan? Maayah, naga kin dawo kina taku kamar ba ke ce kika kusa zama