MASARAUTAR ALHAMRA

talakawa... ​Yana magana shi kadai.. "Yanzu idan na fito da Zayana saboda tsoron Ruma, zan zama rago a idon mutane. Idan kuma na bar ta, Ruma za ta rusa min masarauta. Me zan yi?" A wannan lokacin, Master Ibrahim ya tura kofa ya shigo, fuskarsa cike da damuwa. "Ranka ya daɗe, na zo ne in sanar da kai cewa yanayin cell ɗin Zayana ya ƙara muni. Tana kuka tana kiran mahaifiyarta, kuma na lura wasu bakaken tsuntsaye na na'ura suna kewaye da bangaren kurkukun. Akwai abin tsoro a iska." Sarki Nourdeen ya kalli Master Ibrahim, ya kalli hoton Ching-Ching dake allon, sannan ya kalli rubutun TICK-TOCK na Ruma dake kan tebur.. Sarki ya aika master zuwa can sashen Ayat domin ya ƙira masa ita... Master Ibrahim ya isa sashen Ayat. Bayan ya isar da sakon Sarki, suka nufi sashen Sarki Nourdeen tare... Bayan ta shiga katafaren falon Sarki, ta iske shi zaune cikin tunani. Ta zube ta gaishe shi cikin girmamawa, fuskarta dauke da alamun marin da Onyx ya yi mata duk da tana cikin niƙab.. Sarki ya ce, "Ayat, ki tashi ki zauna. Ga wannan bidiyon, ina so ki kalla kiga abin da idonki ya kasa gani a fili. Ina zuwa, bari in sallami bakin dake falo." Ayat ta ƙura wa allon hologram ido. Ganin Ching-Ching ya sanya zuciyarta narkewa. Ta ga kanwar tata tana sanye da tufafin makaranta masu kyau, tana amsa tambayoyi cikin kwarewa da kwarjini. Wani dadi ne ya mamaye Ayat ganin cewa kanwarta ba baiwa bace, tauraruwa ce dake haskaka... Hawaye suka fara wanke mata fuska, hawayen farin ciki da kuma kewar rashin kasancewa kusa da ita. Tana cikin wannan yanayin, sai idonta ya sauka akan wata na'ura dake gefe wadda take ta haske. Ta taɓa na'urar, sai kawai hoton Sarauniya Ruma ya bayyana, muryarta tana maganar barazanar rusa Alhamra idan ba a fito da Zayana ba. Daidai lokacin, Sarki Nourdeen ya tura kofa ya shigo. Ganin Ayat tana kallon sakon sirri na Ruma, sai ransa ya baci lokaci guda... Cikin tsawa da bacin rai ya furta "Wa ya ba ki umarnin taɓa wannan? Wace irin yarinya ce ke da ba ki da iyaka?" Ayat ta zabura ta mike, jikinta yana rawa. Ta durkusa har kasa tana kuka. "Abul, don Allah ka yafe min. Ban taɓa da nufin bincike ba, shauki ne ya kaini. Kuma... Abul, na zo ne in roki gafararka akan abin da na yi a filin taron sauka. Na wargaza taron murnarmu, na sanya ka cikin kunya a gaban baki. Ka yafe min don Allah." Sarki ya sauke wani nannauyan numfashi, ganin diyar tasa tana kuka ya sanya tausayinta ya ratsa shi. Ya zauna a gefenta, ya dafa kafadar ta. "Ayat, ki kalla ki gani. Ilimin da Ching-Ching take samu a can Pavilion, babu shi a nan. Onyx ba azzalumi bane kamar yadda kike tunani, kawai dai salon mulkinsa ne ya banbanta da namu. Dole ne ki koyi rage zafin rai. Zafin rai baya taɓa haifar da Ɗa mai ido, sai dai ya janyo wa mutum nadama." Ya ci gaba da magana cikin muryar uba.. "Duba abin da kika janyo yanzu. Saboda zafin ranki yasa kowa yabar taron cikin baƙin ciki...Dole ki riƙa amfani da hankali fiye da zuciya. Kiyi amfani da wannan ilimin da kika samu na Alkur'ani wajen taɓa zuciyarki da rahama." Ayat ta jinjina kai, tana jin kalaman mahaifinta suna shiga cikin jinin jikinta. Ta gane cewa yanzu Alhamra tana bukatar haɗin kai, ba gaba ba... Bayan Ayat ta share hawayenta, sai ta gyara zamanta, ta ƙura wa Sarki Nourdeen ido, idanun dake cike da ɗimbin tambayoyin da suka daɗe suna cin zuciyarta tun tana yarinya. Ayat ta sauƙe numfashi, muryarta a sanyaye ta fara jefar da tambayoyin... "Abul, ka gafarceni, amma yau ina son sanin gaskiya. Na daɗe ina jin sunan Sarauniya Ruma, na san ita ce mahaifiyar Zayana, amma tun da na tashi a fadar nan ban taba ganin fuskarta ba, balle mu haɗa ido hudu. Me ya sa kake takun saka da ita? Shin akwai sauran aure a tsakaninku, ko kuwa kun raba gari ne gaba ɗaya? Idan kuwa kun rabu, me ya raba ku har kuka kasa zama inuwa daya?" "Tambaya ta biyu Abul,... Me ya sa kake rayuwa kai kaɗai a matsayin gwauro a wannan katon fadar? Kowace masarauta da kake gani a duniya, sarki yana da mata, yana da sarauniyoyi dake rage masa zafi da damuwa, amma kai ka zaɓi zama kai kaɗai. Shin ko akwai wani boyayyen abu ne da ya sanya ka tsani zama da mace a matsayin mata a fada?" "Me ya sa Ruma take da iko haka akan ka? Na ga yadda kake shiga tashin hankali a duk lokacin da maganarta ta taso. Shin akwai wani abu da take riƙe wa wanda ya fi karfinka ne, ko kuma soyayyarta ce har yanzu take maka raɗaɗi a zuciyarka? Falon ya yi tsit, karar agogon bango kawai ake ji Tik.. Tik... Sarki Nourdeen ya kawar da kansa gefe, ya kalli taga yana kallon sararin saman Alhamra. Wani irin nannauyan numfashi ya sauƙe wanda ya nuna cewa tambayoyin Ayat sun sosa masa inda yake masa ciwo... Ya juyo ya kalle ta, idanunsa sun canza launi, sannan ya gyara zama domin fuskantar wannan daddadan labari na baya wanda ya binne shi tun kafin Ayat ta san kanta.... *Likes ɗinku shine albashin marubuci* 👍 Like 🔁 Share 💬 Comment *👑 MASARAUTAR ALHAMRA 👑* _🪄 Gidan Mulki, Iko da Sirrin Zuciya 🪄_ ✍🏽 By ASMEETAH WRITER ~Hasken Jajirtattu~ 💪 *JAJIRTATTU WRITER'S ASSOCIATION*💪 ✍️ ```JARUMAI WRITERS TEAM``` ▶️ DON BIYO DAGA FARKO 👇 🔗 WhatsApp Channel: https://whatsapp.com/channel/0029VbBCNlqJUM2RQwWncg43 📚 ArewaPen: https://arewapen.com/u/asmeetahwriter 📖 Wattpad: https://www.wattpad.com/user/asmeetahwriter 📲 Contact: 09065443871 📅 FARA TURA BOOK: 🔥 01 — 01 — 2026 🔥 📘 BOOK ONE ```MATAKIN FARKO``` CHAPTER 38 *بِسْمِ اللَّهِ الرَّحْمَٰنِ الرَّحِيمِ* Falon ya yi tsit kamar an tsaida lokaci. Ƙarar agogon bango kawai ake ji… Tik… Tik… Tik… Sarki Nourdeen ya jingina da kujera, idanunsa sun yi nisa da falon kamar yana kallon wani zamani da ya dade da wucewa. Sai ya sauƙe numfashi mai nauyi.. “Ayat…” muryarsa ta fito a sanyaye, “ba komai bane yake da sauƙin faɗi.” Ya ɗan lumshe idanu. “Rayuwata ba ta fara a matsayin Sarki ba. Na fara ne a matsayin saurayi mai buri… wanda bai san cewa soyayya na iya zama tarkon da mutum zai gina da hannunsa ba.” Ya ɗago ya kalli Ayat kai tsaye. “A lokacin, mulkin Alhamra yana hannun Yayana. Ni kuma ina ƙasar Australia, birnin Sydney. A can ne na haɗu da Ruma.” Ya ɗan murmusa, murmushin da bai kai zuci ba... “Ruma ba mace bace kawai. Ita ɗin ‘yar Sarkin Sydney ce. Mai ƙarfin hali, mai girman kai… kuma mai son mallaka.” Ya yi shiru na ɗan lokaci. “Ta kamu da sona fiye da yadda nake zato. Mahaifinta ya matsa min, siyasa ta shiga ciki. A wancan lokacin na ɗauka soyayya ce kawai… ban gane cewa siyasa ta fi soyayya ƙarfi ba.” Ya ɗan matsa gaba. “Na aure ta. Duk da cewa iyayena ba su so. An riga an yi min alkawarin wata yarinya tun ina ƙarami.” Idanunsa suka sauya... “Amma na bijire.” Ya sauke numfashi.. “Domin ta aure ni, ta nuna ta musulunta. Amma bayan biki ya wuce… abubuwa suka canza.” Shiru ya sake lulluɓe falon. “Ta haifi Zayana. A lokacin na yi zaton komai zai daidaita. Amma na fara gane cewa Ruma ba ta iya rabon zuciya. Ita tana so ne ta mallake ni gaba ɗaya.” Ya ɗan ja numfashi. “Bayan rasuwar mahaifina, na dawo Alhamra. Na cika alkawarin da aka min na yarinta na auri Aysh.” Fuskar Sarki ta sauya gaba ɗaya... “Aysh…” Sunan ya fito daga bakinsa kamar addu’a... “Ita ce mace mafi hakuri da na taɓa sani. Ta zo fadar nan ba tare da gardama ba. Ta girmama Ruma.... duk da cewa ita ce halalina na farko a asali.....mahaifiyarku. Ita balarabiya ce ta asali, jininmu ɗaya. Amma shigowarta gidan nan ya tadda wutar jahannama daga wurin Ruma." "Ruma ta ɗauka an wulakanta ta. Ta yaya baturiya, sarauniyar Sydney, za a yi mata kishiya? Amma Aysh... mace ce mai matuƙar haƙuri. Ta ɗauki Ruma a matsayin Yayarta, tana girmamata, tana mata biyayya duk da wulakancin da Ruma take nuna mata. Hakurin Aysh ne ya sa Ruma ta sauƙo har aka samu zaman lafiya na ɗan lokaci.." Ya lumshe ido... “Lokacin da aka haife ki, Ayat… na ji kamar Allah ya bani wata sabuwar dama.” Sannan ya buɗe idanu.. “Amma kishi… kishi ba ƙaramin abu bane.” Ya yi shiru. Kamar mai nazari. Ayat ta lura da hannunsa na ɗan rawa... Ya ci gaba da faɗin “Kin tambaye ni dalilin da yasa nake zama ni kaɗai a wannan fadar…” Ya yi murmushi mai ciwo. “Bayan rasuwar Aysh… zuciyata ta daina amincewa da zaman lafiya. Na ga yadda kishin mata ke zama wuta da ke cin komai.” Sai ya ɗan kalli taga. “Na zaɓi zama gwauro ba don babu mata ba… amma don na gaji da wutar da nake kunna da kaina.” Ya juya ya kalle ta. “Amma ki sani, Ayat… akwai abubuwan da kike gani a matsayin tsoro… alhali kuwa tsari ne.” Idanunta suka ɗan haɗe... “Ruma ba mace bace mai sauƙi. Amma ba duk abin da kuke tunani bane gaskiya.” Ya shafa fuskarsa tare da faɗin “Kuma akwai wasu abubuwa… da lokacin su bai yi ba....” Ayat ta ɗan sauke numfashi, zuciyarta tana cike da sha’awar sani... Idanunta sun yi haske kamar tana ƙoƙarin fahimtar duk wani sirrin da mahaifinta ya ɓoye tun da farko.. Ta miƙe, ta kalli Sarki Nourdeen cikin natsuwa, muryarta cike da tambaya.. “Abul… ka riga ka gaya min game da Ruma da Aysh. Amma yanzu ina son sanin wani abu… Hibba, mahaifiyar Maayah… Me ya sa aka raba ku da ita? Me ya sa aka ɗauke Maayah daga hannunta? Shin akwai wani abu da ya faru da ya tilasta hakan?” Sarki ya tashi tsaye tare da gyara alkyabbarsa. Ya kalli Ayat da wani irin kallo mai cike da sanyi da tsoron abin da gobe za ta haifar... ​ "Gimbiyata, gaskiya tana da ɗaci.... Idan har kika san cikakkiyar gaskiyar abin da ya faru tsakanina da Hibbah... watakila ba za ki sake kallona da irin idon girmamawa da kike kallona yanzu ba. Gwara mu bar labarin a haka yanzu." ​Bai jira amsarta ba, ya juya ya nufi Bedroom ɗinsa, ya bar Ayat nan zaune tana kallon inuwarsa, yayin da zuciyarta take cike da dar-dar... ✨✨✨ ​Gari ya waye ba tare da haske ba, domin gajimare ya rufe sararin samaniya. Tun kafin sallar asuba, aka fara jin koke-koke da hayaniya a kofar fadar Alhamra... ​Dubunnan talakawa ne suka taru a bakin babban gate din fadar. Fuskokinsu cike da hawaye da ɓacin rai. ​Wani bawan Allah yana kuka tare da faɗin "Ina yarona? An sace min yaro a tsakiyar dare!" ​Wata mata ta ce, "Mijina ya fita bai dawo ba, an neme shi an rasa!" ​Wani dattijo shima ya ce, "An sace Ƴata! Sarki ya fito ya gaya mana abin da yake faruwa!" ​Jami’an tsaro sun yi katanga da jikinsu, suna tura mutane baya don kada su afka cikin fada. Sarki Nourdeen yana tsaye a saman bene na fadar, yana kallon mutanen nan, yana jin wani irin tashin hankali. Ya san wannan aikin Ruma ne, ta fara cika alkawarinta na sanya masa zazzabi.... ​A gefe guda kuma, Ayat ba ta iya zama shiru ba. Tana ɗakinta ta yi shigar Inuwa. Ta gyara kakin jami'an tsaro dake dauke da tambarin Royal Guard, ta sanya gemu da saje na jabu waɗanda suka sauya fuskarta gaba ɗaya, ta rufe kanta da rawani... ​Ta bi ta wata boyayyar hanya ta fita har zuwa bakin gate, inda ta haɗu da sauran sojojin da suke tsaron kofar fadar... ​Inuwa tana tsaye, riƙe da makami, tana kallon talakawan dake kuka a gabanta. Duk da tana shigar namiji, zuciyar Ayat ta mace tana tafasa da tausayi... ​Ta ga wata yarinya ƙarama tana kuka tana neman mahaifinta... ​Ta ji kukan wata uwa dake roƙon a cece mata ɗanta.. ​Inuwa A ransa ya ce, "Me Ruma take taƙama da shi ne? Ina sojojin da Abul yake gadara da su? Gashi ana taɓa talakawa marasa laifi saboda rikicin manya. Allah Ka kawo mana dauki...." ​Duk da cewa an tsare kowace gimbiya a sashenta, Zayana tana can a Cell ta ji labarin abun da ke faruwa a can waje da hanyar guard dake kula da ita... Ta yi murmushin mugunta tana kallo gabanta... tare da maganar fili ​ "Na gaya muku... Mummy ba ta wasa. Wannan farkon wasan ne kawai. Idan ba a fito da ni ba, kowa a Alhamra sai ya gwammace ya mutu." Yayin da sarki Nourdeen ya samu nasarar lallashin talakawa su koma gida har zuwa washegari... *OTHER SIDE* Binciken sirri na King Diamond ya kai shi ga gano asalin ƙasar Pavilion. Wani gari ne da mahaifinsu ya assasa tun ba mutane, amma yanzu cikin shekaru 33, ya zama gari mafi kyan gaske a duniya.. Babu ginin ƙasa ko ɗaya, ko’ina gine-gine ne na gilashi wato skyscrapers masu kallon sararin sama, suna sheƙi karkashin hasken rana... Sararin samaniyar garin cike yake da kananan jirage Drones masu sanya idanu, waɗanda ba sa bacci don kare ƙasar daga kowane irin farmaki... Pavilion ta zama matattarar masu neman ilimin kimiyya da addini daga sassan duniya daban-daban, sakamakon kokarin Chief Onyx... King Diamond ya gano cewa ɗan uwansa ba sarki ne kawai ba, babban masanin kimiyyar kwamfuta ne da geography... Ya kera dakarun Robots dubun-dubatar waɗanda suke gudanar da ayyukan tsaro da na yau da kullum. Gely ma ɗaya ce daga cikin manyan robots ɗin da ya ƙera da kansa... A ɗaya bangaren kuma, King Diamond yana zaune a tsakiyar fadarsa, karkashin ruwan Power Pool dake fitar da haske mai launin shuɗi. Damuwa ta lulluɓe shi, yayin da yake kallon kansa a cikin ruwa... Tambayar Da Ba Ta Da Amsa... "Me ya sa?" Ya faɗa cikin muryar da ta girgiza ɗaukacin fadarsa... "Me ya sa a cikin mu tagwaye, aka zaɓe ni domin in zama silar sadaukarwa ga duniyar aljanu? Me ya sa aka bar Ra'ees yana mulkar mutane da hasken rana, ni kuma aka turo ni cikin wannan duhun tun ina yaro?" Baƙin ciki ya tsaya masa a makogwaro. Ya ji an yi masa wariyar jini.... Ganin yadda ɗan uwansa yake rayuwa cikin duniyar mutane, yana taɓa su, yana magana da su, yayin da shi kowa yake gudunsa ko tsoronsa saboda shi Aljani ne... Idanunsa sun koma ja saboda fushi da raɗaɗi.. "Mahaifina ya sadaukar da ruhina domin ya samar da iko da kariya da mulki...Ya mayar da ni makamin kare dangi, ya hana ni jin ɗumin rayuwar ɗan Adam..." ✨✨✨ Hamadar Desert Oasis Wato wurin HUTAWAN ZAKI Chief onyx... Can nesa da hayaniyar gari, a wani wuri na musamman a cikin Pavilion City, Chief Onyx ya ja layin hutawa. Wurin ya haɗu da ni’imar hamada da kuma kyan wani kogi dake ratsawa a gefe. Nan ne mazaunin dabarunsa, inda babu mai isa sai da izininsa... Chief ya baje kayan wasannin motsa jiki, akwai teburin Snooker, akwai Handball, da kuma babban teburin Foosball wanda ake tura ƙananan ƴan ƙwallo da sanda... Bayan ya kammala ɗan motsa jiki, ya ɗauki bindigarsa ya fuskanci Target Board...wurin atisayen harbi... Pat! Pat! Pat! Duk harbin da yake yi, a tsakiyar jan ɗigon yake fita... Chief ya ajiye bindigar, ya nufi wani babban dogon madubi na hangen nesa (High-powered Telescope)... Ya ƙanne ido ɗaya, yana kallon kyawun sararin samaniya da kuma abubuwan dake nesa da sauran mutane.. A gefensa kuma, Bodyguards ɗinsa suna tsaye kamar wasu mutum-mutumi... Kowannensu sanye da baƙin gilashi, bindigunsu a shirye, fuskokinsu ba sa nuna alamar wasa. Iskar sahara tana kaɗawa, tana hura rigar Chief... Yana cikin karkata Telescope ɗin, kwatsam! Wani harbi marar sauti wanda ake ƙira da Silencer shot ya fito daga can nesa, inda maƙiyi ya fake... Harsashin ya samu Chief Onyx a kafaɗarsa ta dama... Ba tare da ya nuna raki ko ya faɗi ba, Chief ya saki Telescope ɗin, ya dafe damtsensa yayin da jini ya fara ɓulbulowa ta cikin rigarsa. Idanunsa suka rine suka yi ja, ya zama kamar zaki da aka harba... Cikin murya mai amo da juriya ya ce, “KADA KU BAR SHI! Ku kamo ko wanene!” Nan take ayarin tsaro suka rarrabu. Wasu suka kewaye shi tare da bashi kariya, wasu kuma suka zura a guje da motocinsu zuwa inda akayi harbin.. An garzaya da Chief cikin motarsa ta alfarma wanda harsashi ba ya ratsawa... Duk da jinin dake zuba, Chief yana zaune ne daram, fuskarsa ba ta nuna alamar rauni ba. Jajirtaccen namiji, mai jure azaba... Yana magana ta cikin na’urar sadarwa.. “Ko wanene ya yi wannan, ya sani ya taɓa wutar da za ta ƙone shi.” Ayarin motocin suka nufi babban asibitin sirri na Pavilion. Ko da suka isa, Chief Onyx ya fito da kansa, yana takawa cikin natsuwa duk da jinin dake fita. Likitoci suka yi kansa cikin gaggawa. A lokaci guda, labari ya isa makaranta inda Ching-Ching take....wasu bodyguards da suke tsaronta acan ne suka ɗauko ta tare da nufo wa asibiti... ✨✨ Special VIP Ward, Pavilion International Hospital Chief Onyx yana kwance a kan gadon asibiti, an cire masa harsashin kuma an fara yi masa ɗinki. Duk da irin wannan azaba, ko motsa fuska bai yi ba, yana kallon silin ɗin ɗakin cikin natsuwa. Kwatsam! Sai aka ji wani ihu daga corridor, irin ihun da Chief ya riga ya sani... Ching-Ching ce. Ta faɗo ɗakin tana kuka, har tana tuntuɓe da carpet, Gely tana biye da ita tana ƙoƙarin riƙe ta... "WAYYOOO UNCLE! Wayyo Allah na, an kashe mana kai! Uncle dama ka bari ni aka harba, tunda ni dama jini na riga na saba da shi a kwanakin nan! Me ya sa za su harbi namijin da yake da mata mai juna-biyu a hannunsa?.....Dama ni aka harba ba kai ba..." Ta faɗa a kan gadon tana ƙanƙame ƙafarsa, tana kuka kamar ranar zai mutu... Chief cikin murya mai rauni ya daka mata tsawa... "Ching-Ching! Ya Isa haka! Harbi ne a kafaɗa, ba mutuwa zan yi ba. Sannan ya isa haka, kukan nan naki ya fi harbin ciwo." A daidai wannan lokacin, Dr. Sophia, wata kyakkyawar likita mai dogon gashi da farar riga, ta ƙaraso kusa da Chief don duba saitin ɗinkin. Ta rusuna tana tattaɓa kafaɗarsa cikin kulawa... Dr. Sophia ta ce, "Chief, please stay calm, I just need to check the dressing..." Ching-Ching ta tsagaita kukan lokaci guda. Ta ɗago kanta, ta kalli yadda likitar take taɓa kafaɗarsa, nan take idanunta suka sauya kala. Ta miƙe tsaye tana turo baki... "Ke! Maza matsa daga nan! Ke ma so kike ki taɓa shi ki ɗauki ciki? Ko ba ki ga ni yadda na zama ba ne? Maza matsa ni zan wanke masa ciwon da kaina!" Dr. Sophia cikin mamaki ta ce, "Excuse me? I am a doctor, and I'm just doing my job." Ching-Ching ta ce, "Aikin me? Aikin shafa kafaɗar mutane? Uncle, kalle ta, har wani lumshe ido take yi tana taɓa ka! Gely, maza ba ni ruwan zafi da auduga, ni zan yi masa komai. Ba ma buƙatar wannan likitar mai gashin doki!.." Ching-Ching ta ƙwace audugar dake hannun Dr. Sophia, ta fara ƙoƙarin matsa wa Chief kafaɗa... Duk juriyar Chief sai da ya kanne ido yana faɗin "Washhh! Ching-Ching, za ki ɓalla min ƙashi ne? Ki bari likitar ta yi aikinta!" Tana turo baki ta ce, "A'a Uncle! Ita fa kallo na take yi kamar tana so ta sace ka. Ni dai na gaya maka, duk macen da ta sake taɓa ka a asibitin nan, to za mu raba juna-biyun nan da ita...! Kuma ma, me ya sa kake kallonta? Ko tafi ni kyau ne don tana da farar riga?" Chief ya runtse ido, ya dafe kansa da hannu guda.. "Gely, don Allah ki fitar da ita kafin ta ƙarasa kashe ni. Maƙiyin da ya harbe ni bai kai wannan yarinyar haɗari ba." Ching-Ching tana shirin sake fashewa da kuka tana faɗin "Yanzu Uncle korata kake yi? Bayan kasan halin da nake ciki? To gaskiya ni nan zan kwana, kuma zan riƙa duba duk macen da ta shigo, sai na ga takardar shaidar cewa ba ta da sha'awar riƙe hannun mutane!" Yayin da Ching-Ching take faman danna wa Chief kafaɗa cikin rashin ƙwarewa da tura baki.. Chief ya ɗaga kansa, idonsa ya sarƙe cikin na Dr. Sophia.. Idanun Sophia sun yi jawur saboda wani baƙin ciki da kishin da suka ninka na Ching-Ching sau dubu.. Sophia ba kowa ba ce illa tsohuwar budurwar Chief. Sun yi soyayya mai zafi tun lokacin da ya taɓa yin wani haɗari a baya, ita ce take zuwa har cikin fada tana ba shi kulawa... Amma kishinta ya yi yawa irin overdose ɗin nan, har ta kai ga tana kishin iskar da take bugunsa, hakan ya sa suka rabu... Amma kallon da suke yi wa juna yanzu? Akwai sauran burbuɗin soyayya wanda ake ƙira da love residue dake yawo a iska... Ching-Ching ta lura da yadda suke kallon juna. Ta ga yadda idon Sophia ya canza, ta kuma ga yadda Chief ya yi sanyi. Nan take ta ƙara danna masa kafaɗar da ƙarfi! Chief ya furta "Auuu! Ching-Ching! Za ki cire min kafaɗar ne?!" Tana shirin kuka cikin shagwaɓa ta ce, "Kyale ni Uncle! Matsawa nake yi don jinin ya koma zuciyarka, don na ga kamar kallon wannan likitar yana sa zuciyarka bugawa da sauri. Ke kuma Likita, me kike kallo haka? Ko ke ma kin san cewa idan kika daɗe kina kallon namiji haka shima yana kawo ciki?" Dr. Sophia ta goge wani ɗigon hawaye dake neman fito mata, ta ƙaraso kusa da gadon, ta yi banza da Ching-Ching kamar ba ta wanzu ba. Ta sa hannu ta riƙe ɗayan hannun Chief na hagu wanda ba shi da ciwo... Cikin muryar kuka da rawar murya..ta ce, "Onyx... har yanzu baka canza ba. Kullum cikin haɗari kake. Kuma har yanzu baka koyi yadda zaka zaɓi mutanen dake kusa da kai ba. Wacece wannan yarinyar da take neman ƙarasa ka?" Ching-Ching ta ajiye audugar hannunta, ta ɗora hannu a ƙugu ta ce, "Iyeeee? 'Onyx'? Sunan da kika kira shi kenan? Lallai ma wannan likitar! To ki sani, ni ce Future Mother of his Baby koda kuwa ta hanyar taɓa hannu ne..! Kuma ki sake shi yanzun nan, karki goga masa tsofaffin ƙwayoyin cutarki..." Chief Onyx ya ji ciwon kafaɗarsa ya ragu, amma na kansa ya ƙaru. Ga Sophia dake kuka tana kallonsa da tsohuwar soyayya, ga kuma Ching-Ching dake shirin kai wa Sophia dambe... Chief ya ce, "Sophia, ya isa haka. Kin san me ya sa muka rabu a baya, kishinki zai iya lalata komai..." Sophia ta ce, "Amma kalli wannan yarinyar! Ta yaya zaka bar ta tana danna maka rauni? Ni ce na san yadda jikinka yake, Onyx! Ni ce na san inda yake maka ciwo!" Ching-Ching ta tura baya da ƙarfi sauran kaɗan Sophia ta faɗi tana faɗin "Ƙarya kike yi! Ni na fi sani! Har ma na san cewa idan ya ɓata rai, hancinsa yana yin girma! Kuma ke Likita, idan baki fita ba, zan ƙira Gely ta ɗaga ki ta jefar da ke ta taga, don kishina ni Original ne, naki kuma na Expiring date ne!" Ta ƙara shige tsakanin Chief da Sophia, ta ƙara tura Sophia da baya da ƙarfi, ta koma ta laɓe a ƙirjin Chief ta bangaren da ba shi da ciwo... "Uncle, ko ka kore ta, ko kuma in sa maka kuka yanzu in tada dukkan asibitin nan!".... *Likes ɗinku shine albashin marubuci* 👍 Like 🔁 Share 💬 Comment *👑 MASARAUTAR ALHAMRA 👑* _🪄 Gidan Mulki, Iko da Sirrin Zuciya 🪄_ ✍🏽 By ASMEETAH WRITER ~Hasken Jajirtattu~ 💪 *JAJIRTATTU WRITER'S ASSOCIATION*💪 ✍️ ```JARUMAI WRITERS TEAM``` ▶️ DON BIYO DAGA FARKO 👇 🔗 WhatsApp Channel: https://whatsapp.com/channel/0029VbBCNlqJUM2RQwWncg43 📚 ArewaPen: https://arewapen.com/u/asmeetahwriter 📖 Wattpad: https://www.wattpad.com/user/asmeetahwriter 📲 Contact: 09065443871 📅 FARA TURA BOOK: 🔥 01 — 01 — 2026 🔥 📘 BOOK ONE ```MATAKIN FARKO``` CHAPTER 39 *بِسْمِ اللَّهِ الرَّحْمَٰنِ الرَّحِيمِ* Halin da ake ciki a Alhamra ya kai maƙura, domin fargaba ta cika zukatan talakawa yayin da aka rasa inda mutane suke ɓacewa... Sarki Nourdeen yana can yana faman sintiri a fadarsa, yana ta ƙiran lambar Ruma amma "not reachable", bai sani ba cewa Sarauniyar tana wasa da hankalinsa ne da gangan.. A cikin wannan yanayin ne Uncle Jalal ya iso fada domin koyar da Maayah. Ma’aikatan fada sun riga sun san darajar Uncle Jalal a matsayin malamin gimbiya, don haka aka