MASARAUTAR ALHAMRA

halitta durƙusawa... “Why are you worried about me?” ya tambaya cikin sanyi mai cike da mulki. Zarith ya yi murmushin yaƙe, ya san kafiyar abokin nasa. “Ok, all right... So King Diamond, did you try to grab the ancient golden armor? How is it, did you get it?” Wani irin shiru ne ya biyo baya, sai kawai ƙarar ruwan Power Pool dake bugun duwatsu. King Diamond ya kalli nesa, inda yake iya hango duniyar mutane ta cikin ruwan. Ya tuna fuskar Ayat lokacin da ta fito daga ruwan kogi, gashinta a jike, tana masa kallon abokin gaba. “No,” ya amsa a taƙaice. Zarith ya zura masa ido. Ya san ba rashin ƙarfi ne ya sa King Diamond bai ɗauko sulken ba, amma tunanin wata halitta ta daban ne ya shagaltar da shi. “Zuciyarka tana can bakin kogin Alhamra, ko?” Zarith ya yi raɗa, amma King Diamond bai sake furta komai ba. Ya tashi tsaye, doguwar rigarsa tana jan ƙasa. Duk da ciwon da yake ji a goshinsa, izzarsa ba ta ragu ba. A cikin ransa, addu’a yake yi wa Ayat, yana fatan raunin nata bai kai ga inda zai gurgunta masa rayuwar da ya danka a hannunta ba... “Zan tafi,” King Diamond ya furta kafin ya ɓace kamar hayaƙi, ya bar Prince Zarith yana girgiza kai... Tafiyar awanni biyu a cikin jirgin Pavilion ta kasance mafi muni a rayuwar Gimbiya Ching Ching. Tana takure a kusurwar kujera, tana kuka ƙasa-ƙasa yayin da take kallon Chief Onyx wanda ko kallo ba ta ishe shi ba. Shi dai yana latsa na’urorin gabansa, fuskarsa sanye da wannan ƙarfen azurfar da ke ƙara masa ban tsoro... Maimakon ta zauna a mazauninta, Ching Ching ta kwance bel ɗin kujerarta, ta lallaba har bayan kujerar Chief Onyx. Ta maƙale kanta a jikin wuyansa saitin kunnensa, ta fara tura masa harshe tana kuka tana sambatu.. ​"Mugun mutum! Ka mayar da ni gida! Wallahi zan sa kunnenka ya yi ciwo, kuma Daddy na ba zai yafe maka ba!" Ta rinka jan hancinta tana busa masa numfashi a kunne, tana kuka mai taɓa zuciya da kuma tada hankali... ​Duk lokacin da Chief Onyx ya yi ƙoƙarin kawar da kansa, Ching Ching sai ta zagayo ta ɗayan ɓangaren ta cigaba. ​Ta fara shure-shure da ƙafafunta tana dukan kujerar Chief. ​Ta kai hannu ta fara latsa wasu madannai na fasahar jirgin tana cewa, "Ina ne gidan wanka anan? Na ce maka na yi datti Daddy ya ce za a yi min wanka!" ​Chief Onyx ya runtse idanunsa, hannunsa ya dunƙule har jijiyoyinsa suka fito. Wannan ne karon farko da ya ji yana son ya jefa mutum daga jirgi domin ya huta. Gely ta matso kusa, muryarta na na'ura ta ce.. ​"Boss, bugun zuciyarka ya ƙaru da kashi 15%. Ka bani umarni in yi mata allurar bacci".. ​Kafin Chief ya ba da amsa, Ching Ching ta juyo kan Gely, ta harare ta.. "Ke kuma wacece kike wata muryar kwalba? Ki yi min shiru! Kai kuma bokan ƙarfe, ka duba min takalmina ya tsinke!" Ta mika wa Chief Onyx karyayyen takalminta har saitin fuskarsa... ​Chief Onyx ya buɗe idanunsa, ya kalli takalmin, sannan ya kalli fuskar Ching Ching dake cike da hawaye da kuma shagwaba. Ya ga yadda take tura baki kamar mai shirin yin amai. A maimakon ya daka mata tsawa, sai ya ja wani dogon numfashi. Ya gane cewa wannan yarinyar ba tsoro ba ne da ita, kawai tana rayuwa ne a wata duniyar ta daban... ​"Gely," Chief ya ƙira cikin murya mai ƙarfi da ta sa Ching Ching ta ɗan tsagaita da rigimar. "Binciko min sa'ar da za mu isa. Kuma ki tabbatar an shirya mata ɗakin da babu abin da ke cikinsa sai kayan wasa da ruwan wanka, domin wannan rigimar ba za ta ƙare ba har sai mun sauƙa." Yayin da jirgin ya fara rage gudu yana shawagi a sararin saman Pavilion City, hasken lantarki da manyan allunan dijital na birnin suka fara haskowa ta tagogin jirgin. Ching Ching, wadda take ta faman tura baki tana kukan shagwaɓa a kunnen Chief Onyx, ta tsagaita lokaci guda... Ta saki wuyan Chief, ta matsa kusa da tagar jirgin, ta zaro idanu tana kallon dogayen benaye dake tafe da haske da kuma motoci masu shawagi.. "Wau! Daddy ka gani... Oh, na manta ba Daddy," ta faɗa cikin murya mai rauni, sannan ta juyo ta kalli Chief Onyx, "Wannan gidan wasan naku ne? Me ya sa akwai fitilu da yawa haka?" Chief Onyx bai ko kalle ta ba, ya ci gaba da kallon na'urar dake gabansa, amma a ransa ya sauƙe ajiyar zuciya ganin kukan nata ya tsaya... Bayan jirgin ya sauƙa a babban dandalin fadar Pavilion, ƙofar ta buɗe. Gely ta matsa kusa da Ching Ching.. "Gimbiya, mun iso. Da fatan za ki sauƙo cikin lumana." Ching Ching ta kalli ƙasa, ta ga yadda filin yake sheƙi kamar madubi, sannan ta kalli Chief Onyx wanda ya miƙe tsaye yana shirin fita. Ta koma ta zaune daram a kan kujera, ta naɗe hannayenta a ƙirji, ta turo baki gaba tana girgiza kai... "Ba zan sauƙa ba! Na gaya maka takalmina ya tsinke, kuma ƙafata ciwo take yi. Sannan wurin nan akwai ƙura, ba zan ɓata ƙafata ba!" Chief Onyx ya tsaya cak, ya juyo ya kalleta da waɗancan idanunsa masu kwarjini. Ya ga alamar idan ya biye mata, za su iya kwashe sa'o'i a nan. Ba tare da ya ce uffan ba, ya tako har inda take... Kafin Ching Ching ta ankara, Chief ya damƙi kunkuminta ya ɗaga ta sama tamkar ƴar tsana, ya ɗora ta a kan faffaɗan kafaɗarsa... "Wayyo! Ka sauƙe ni! Daddy ka gani ko, sace ni zai yi!" Ching Ching ta fara dukan bayansa da ƙananan hannayenta, tana ihu, yayin da gashinta yake ta karkaɗawa a iska... Chief Onyx bai ko saurari ihun da take yi ba, yana taku cikin izza da gadara.. Dakarun Pavilion dake tsaye layin gaisuwa suka sunkuyar da kai, suna mamakin ganin babban Boss ɗinsu dake kyamar hayaniya ɗauke da wata yarinya dake ta faman buga masa baya tana ihu... Gely tana biye da su a baya, tana lura da yadda bugun zuciyar Boss ɗinta yake, amma abin mamaki, maimakon fushi, sai ta ga yanayin jikinsa yana nuna natsuwa kamar dai wannan rigimar ta Ching Ching tana rage masa nauyin damuwar dake ransa... Anan suka shige mota mai tafiya da kansa ba tare da direba ba, suka nufi can babban site ɗinsa.. Robots ne ke ta kai da komowa, wasu suna shawagi a babban falo.. Yana shirin sauƙe ta, ta ƙanƙame wuyansa, ta ƙame. “Ni ba zan sauƙa ba! Daddy na ya ce in zauna a gidajen sarauta masu kyau, ba gidan aljanu ba!” Tana nan ƙanƙame wuyansa... Chief Onyx bai ko saurareta ba ya jefa ta akan kujera... Cikin muryarsa mai kauri ya ce, “Gely, kwashe wannan abin hayaniyar ki kai ta sashenta. Idan ta ƙara magana, ki sa mata na’urar toshe baki.” Gely ta matso da sauri, ta ɗaga Ching Ching kamar jaririya... “A’a! Ke wacece? Mace ko na’ura? Sakeni! Mugayen mutane, maciya amana!” Ching Ching ta fara dukan ƙirjin Gely, amma kamar tana dukan dutse ne.. Haka aka kaita wani katafaren ɗaki wanda komai na cikinsa fari ne tas. Robots guda biyu suka nufota don su canja mata kaya... “Wayyo Allah! Daddy aljanun sun zo cinye ni!” Ta kwashe da gudu ta shige ƙarƙashin gado, tana kuka... “Wallahi sai na gaya wa Abul! Sai na gaya wa Inuwa ya fasa muku kai!” ✨✨ Washegari da safe Cikin sanyin asuba, hasken rana ya fara kutsa kai ta tagogin sashen Master Ibrahim... Inuwa ta fara motsa yatsun hannunta, goshinta da aka yi wa ɗaurin bandej ya ɗanyi mata zafi. Cikin nauyin idanu ta buɗe su, sai ta tsinci kanta a cikin wani ƙaton gado mai lallausan bargon siliki. Ta juya kanta a hankali, sai idanunta suka sauƙa a kan Master Ibrahim. Yana nan kwance a gefenta, fuskarsa tana kallon tata. Yana bacci cikin kwanciyar hankali, numfashinsa yana fita a hankali. Inuwa ta firgita. “Me ya kawo ni nan? Kuma me ya sa Master Ibrahim yake kwance a kusa da ni?” Ta tambayi kanta cikin fargaba... Ta yi ƙoƙarin tashi.. Ibrahim ya fara motsawa ya buɗe idanunsa waɗanda suka yi jawur saboda rashin bacci. Ganin Inuwa ta tashi, sai ya yi saurin zama, kwayar idonsa tana yawo a kan fuskarta... “Ka tashi?” Ibrahim ya tambaya, muryarsa tana da wani irin sanyi da bai saba ba. “Goshinka ya fashe jiya... na yi maka treatment.” Inuwa ta jinjina kai, tana ƙoƙarin gyara rawaninta da ya ɗan zame... “Na gode, Master. Amma me ya sa ka kwanta a nan? Ai ɗakin dakarunmu daban yake.” Ibrahim ya yi shiru, ya kasa cewa komai. Zai iya gaya mata cewa ya kasa barin ɗakin ne saboda wani irin kishi da yake ji? Zai iya gaya mata cewa ƙamshin jikinta ne ya ruɗa shi? “Babu komai,” ya faɗa tare da kawar da kansa. “Kawai na tsaya ne don in tabbatar ba ka samu matsala ba...Inuwa, me ya sa kake da wata irin siffa daban da sauran maza? Ko fata dake jikinka, ta fi ta maza taushi.” Inuwa ta ji gabanta ya faɗi. Ta san asirinta yana shirin tonu muddin Ibrahim ya ci gaba da bincike. “Master, kawai dai ina kula da kaina ne. Amma yanzu ina bukatar in tafi, ina buƙatar yin sallah...” Ta tashi da sauri za ta fice, sai Ibrahim ya damƙi hannunta. Wani irin shock ne ya ratsa su duka biyun.. Ibrahim ya ji hannun Inuwa yana da santsi da kyan gani, ba hannun soja da ya saba riƙe takobi ba.. “Akwai sirri a tare da kai, Inuwa,” Ibrahim ya furta yana ƙara matse hannun.. “Kuma ba zan bar kowa ya taɓa ka ba, sai ni. Daga yau, duk inda zaka, ina tare da kai. Na riga na nemi izinin Sarki cewa za ka kasance mataimakina na musamman (Personal Assistant).” Inuwa ta zare ido. “PA na musamman? Wannan ai yana nufin zan rinka kwana da tashi ne a karkashin idonsa!” “Amma Master...” “Babu amma! Wannan umarni ne.” Ibrahim ya miƙe, ya matso kusa da ita har tana iya jin bugun zuciyarsa. “Idan wani ya taɓa ka, tamkar ya taɓa ni ne. Kuma na lura, tun lokacin da aka tafi da Gimbiya Ching Ching, kake cikin damuwa. Me ya haɗa ka da ita?” Inuwa ta haɗiye miyau. “Ita... ƙanwata ce a wurin aiki. Ina sonta kamar yadda kowa yake sonta.” Ibrahim ya ji wani kishi ya turnuƙe shi, duk da cewa Inuwa ya ce ƙanwarsa ce... “To ka sani, yanzu ni ne gaba da ita a wurinka. Muje, ka je kayi sallah ..” Suka fito daga sashen, Inuwa tana taku cikin sanyi tana ƙoƙarin ɓoye asalin mace da take da shi, yayin da Ibrahim yake tafiya a gefenta kamar zaki dake kare abincinsa... A can kuryar fada kuwa, Sarki Nourdeen yana zaune shi kaɗai, yana kallon hoton Ching Ching dake hannunsa. Zuciyarsa tana tunanin yarjejeniyar da ya kulla da Chief Onyx. “Ina fatan wannan sakalcin na Ching Ching ba zai sa Chief Onyx ya kashe ta ba,” Sarki ya yi ajiyar zuciya.   ✨✨ Bayan Kwanaki Biyu A yau ne wa’adin hutu da kyan-kkyasan da aka yi wa Ching Ching ya cika. Chief Onyx ya ba da umarnin a kawo ta babban falonsa inda yake gudanar da ayyukansa... Ching Ching ta shigo tana turo baki, sanye da wata riga mai ruwan hoda wadda ta yi mata kyau matuƙa, amma fuskarta babu annuri... Ta iske Chief zaune a kan wata kujera ta alfarma, Gely tana gefensa tana duba wasu hotuna a hologram.. “Daga yau, ke ce zaki rinƙa kula da wannan ɓangaren," Chief ya faɗa ba tare da ya ɗago ya kalleta ba. “Zaki share, ki goge komai, sannan ki tabbatar babu ƙura ko ɗaya a kan teburina.”.. Ching Ching ta zaro ido, ta kalli hannayenta masu taushi. “Aiki? Ni Gimbiya Ching Ching ce zan yi share-share? To wallahi ba zan yi ba! Ko a gidanmu Daddy bai taɓa ce min in ɗaga tsintsiyar ba. Sai dai in kalli tattai in yi wasa!” Ta zauna a tsakiyar falon ta fasa kuka. “Ni yunwa nake ji! Kuma bana son robots, zuma nake so!” Gely ta matso kusa da ita, “Wannan shi ne umarnin Boss. Idan ba ki yi ba, ba za ki ci abinci ba.” “Ke dakata min!” Ching Ching ta miƙe tsaye tana nuna Gely da yatsa.. “Kinyi tsammanin tsoronki nake ji? Ke dake baki da jini? Kije ki ba ni waje tun kafin in ɓata muku wannan gidan da ihu..!”. Ta nufi teburin Chief, ta ɗauki wata na’ura mai sheƙi tana jujjuya ta. “Wannan meye? Abun wasa ne?” Chief Onyx ya damƙe hannunta cikin fushi... “Stop it! Wannan na’urar tana iya tayar da boma-bomai a duk inda nake so. Leave it!” Ching Ching ta harareshi, ta matso kusa da fuskarsa har tana shaƙar ƙamshinsa.. “Ba zan bari ba! Sai ka fara ba ni zuma ta musamman, sannan ka ba ni izinin in ƙira Daddy a waya. In ba haka ba, wallahi sai na lallata maka wannan ƙarfen dake fuskarka!” Maimakon ya ji tsoro, Chief ya ji wani irin takaici ya ziyarce shi. Yarinyar nan mai shekara 16 amma halinta na ƴar shekara 3 ne... Ya janye hannunsa ya nuna mata ƙofa. “Gely, ba ta aikin da ya fi ƙarfinta. In ba ta gama ba, kada ta fita.” Ya tashi ya bar falon gaba ɗaya.. Daga nan Ching Ching ta fara nata wasan.. Maimakon ta yi sharan, sai ta ɗauki ruwan goge-goge ta rinka fesa wa Gely a jiki tana cewa, “Kema sai na miki wanka, tunda baki da aiki sai goyon bayan Boss ɗin ki ko?!”.. Gely ta fara samun matsala (malfunctioning) Sakamakon ruwan da ya shiga jikinta, tana ta rurruwa. Ching Ching ta tintsire da dariya, ta hau kan kujerar Chief ta fara tsalle-tsalle tana rera waƙar ta... Daƙyar Gely ta samu ta kuɓuce, ta je ta gyara kanta.. Ching Ching ta fara wasan ƴar gala-gala a falon.. Ba ta sani ba, Chief Onyx yana can wani ɗakin yana kallon komai ta allo, yana dafe da kai... “Wace irin bala’i ce wannan Sarki Nourdeen ya bani?” Ya tambayi kansa cikin muryar da ke cike da nuna cewa shagwaɓar Ching Ching ta fara ratsa katangar da ya gina a zuciyarsa... Ching Ching ta ja wani uban ajiyar zuciya, tana kallon babban falon Chief Onyx wanda ya ke kamar filin ƙwallo saboda girma... Sai ga Gely ta shigo, ta ba ta wani mopper mai sulɓi da wani ruwa a gwalba ta ce ta goge teburin cin abinci (dining area) da babban bango na gilashi... “Wannan aikin ai na robots ne, me ya sa za a sa ni?” Ta ɗaka ƙafa tana kukan shagwaɓa, amma Gely ko kallo ba ta ishe ta ba ta fice daga falon... Ching Ching ta fara goge teburin tana tafe tana rera waƙar "Daddy na, Abul na...Ni gimbiya Ching Ching...". Tana kaiwa kusa da wani ƙaton Plasma TV wanda ke manne a jikin bango, wanda girmansa ya ninka nata sau biyar. Allon na musamman ne, domin ta nan ne Chief yake sarrafa dukkan tsaron birnin Pavilion. “Wannan madubin meye a ciki yake ta walƙiya? Ya cika ƙura wallahi!” Ta furta tana turo baki. Ta fesa wannan ruwan goge-gogen har sau biyar a tsakiyar allon. Ta fara gogewa da ƙarfi, tana tura allon da dukkan nauyinta wai ita a dole sai ta fito da kyali... Tana cikin danna allon, sai ta ji ya yi wani ƙara “Ƙararasss!”... Ashe screws ɗin da suka riƙe allon a jikin bangon fasahar zamani ne, kuma sun samu matsala saboda ruwan da ta fesa ya shiga jikinsu. Kafin ta ankara, allon ya fara sillo wa ƙasa... “Wayyo Allah! Zai faɗo!” Ching Ching ta fasa ihu, maimakon ta matsa, sai ta tsaya tana kallon yadda ƙaton allon ya silalo ƙasa “BAMMM!!!”... Falon ya ɗauki wata irin ƙara, hasken lantarki ya fara walƙiya a wurin yana sparks... Nan take duk wani haske na falon ya ɗauke, ya koma jajir, muryar na’ura ta fara ƙiran “Security Breach! System Failure!” Ching Ching ta fice da gudu ta nufi bayan kujerar Chief ta maƙale, tana kuka sosai... “Ba ni bace! Wallahi madubin ne ya gaji da zama a jikin bango ya faɗo da kansa! Daddy na!” Chief Onyx ya shigo falon a guje, ransa ya kai maƙura wajen ɓaci. Ya kalli tarkacen allon da ya watse, ya kalli Ching Ching dake leƙowa ta bayan kujera, idanunta sunyi zuru-zuru... “Do you have any idea what you just did?!” Ya daka mata wata uban tsawa wadda ta sanya ta kusan sakin fitsari a wando... “Kin kashe dukkan na’urorin tsaro na Pavilion! Wannan ba madubi ba ne, wannan shi ne zuciyar birnin nan!” Ching Ching ta fashe da kukan gaske, ta tunkaro shi tana shure-shure. “To meye nawa? Me ya sa ka sanya shi a inda hannuna zai kai? Kuma ma ai datti ne da shi shi yasa na goge shi. Wallahi sai na faɗa wa Daddy ka mare ni!” “Ban mare ki ba!” Chief ya faɗa yana ƙoƙarin danne fushinsa, domin idan ya biye wa yarinyar nan zai iya hauka... “Kuma ma ni yunwa nake ji! Ka ba ni abinci mai daɗi, sannan ka share wannan dattin da kanka, tunda kai ne ka ajiye shi a nan!” Ta ƙarasa maganar tana gyara zamanta a kan kujerar tasa ta mulki, ta ɗaura ƙafa ɗaya kan ɗaya tana kuka tana kallon gefe. Chief Onyx ya tsaya yana kallonta, ya rasa ko kuka zai yi ko dariya. Yarinyar tana komai kamar jaririya... Ya juya ya kalli Gely wadda ta shigo tana ƙoƙarin gyara allon. “Gely, share wurin nan. Sannan ki ba ta zuma da duk abin da take so kafin ta rusa gidan nan baki ɗaya.” Yana fita, Ching Ching ta leƙo ta kalli bayan sa, ta galla masa harara. “Mai fuskar ƙarfe! Ka dai ji tsorona ne shi yasa ka ce a ba ni zuma.”... ✨ Bayan kwana biyu da farfasa babban allon Pavilion, Chief Onyx ya fahimci cewa idan ya bar Ching Ching da aikin ruwan goge-goge, to lallai za ta ruguza masa fada baki ɗaya. Don haka, ya yanke shawarar sanya ta a gaba ya koya mata yadda ake sarrafa computer, ko koda akalla ta rinƙa taɓa ƙananan ayyuka na ofis. Chief yana zaune a kan babban teburinsa, ya sanya aka kawo wa Ching Ching wata computer ta zamani mai nuna Holographic Tablet... "Zauna a nan," ya faɗa cikin muryarsa dake nuna gajiya da rigimarta... "Zan nuna miki yadda ake lissafa yawan energy da Pavilion take amfani da shi. Karki taɓa komai sai abin da na faɗa miki." Ching Ching ta turo baki, tana wasa da yatsun ƙafarta. "Ni fa Daddyna ya ce in tafi makarantar sarakuna ne, ba makarantar kafintan kwamfuta ba. Wannan abin gashi nan kamar madubin aljanu." "Just listen!" Chief ya daka mata tsawa kaɗan. Ya fara bayani.. "Wannan lambar ita ce X-40, idan kika taɓa ta..." Ching Ching ta kalle shi, maimakon ta kalli abin da yake nunawa, sai ta ƙura wa fuskar sa ta karfe ido... "Wai kai bakinka baya ciwo idan kana magana ne? Kuma idan za ka yi hamma ya kake yi? Ko har yanzu baka taɓa yin hamma ba?" Chief ya rufe idonsa, ya ƙirga ɗaya zuwa goma a ransa don kada ya shaƙe ta. "Ching Ching, kalli screen ɗin!" "To na kalla!" Ta fada tana kumbura kunci. Ya juya kansa don ya amsa ƙiran Gely, ashe tuni Ching Ching ta karkata akalar kwamfutar. Maimakon ta yi lissafin makamashi, sai ta fara zana hoton wata katuwar ƴar tsana mai babban kai da kananan ƙafafu. Ta sanya wa yar tsanar dogon gashi mai ruwan hoda, sannan ta rubuta "MUGUN BOKA" a ƙasan hoton, tana nuna kibiya zuwa wurin da Chief yake zaune... "Kaga yadda nayi kyau?" Ta tura masa screen ɗin gaban fuskarsa. Chief Onyx ya kalli hoton, ya kalli rubutun "MUGUN BOKA", sannan ya kalli Ching Ching wadda take faman washe masa haƙora tana jiran yabo... "Kin share dukkan bayanan tsaron da na dauki shekara biyar ina tsarawa... kin mayar da su hoton yar tsana?" Muryarsa ta fara rawa saboda fushi... "To ai ƴar tsanar tafi wannan lambobin naka kyau. Duba fa kaga, har hanci na sanya mata mai tsayi, ba irin naka na ƙarfe ba." Ta tintsire da dariya tana tafa hannu... Chief ya tashi tsaye, ya fizge kwamfutar... "Gely! Kwashe ta! Kai ta ɗakin girki, ta rinƙa peeling ɗin dankali da karas. Tunda ba ta da hankalin yin aikin ofis, bari ta yi aikin masu abinci!" Ching Ching ta zabura ta dire daga kan kujera... "Pelling? Ni Gimbiya Ching Ching zan yi yanka? To wallahi ko danyen dankalin sai na cinye shi duka na barku da yunwa!!..." Tana fita tana kunkuni, Chief ya koma ya zauna, ya dafe kansa. Ya rasa me ya sa duk rashin kunyar da take masa, baya iya sanya sojoji su yi mata horo mai tsanani. Akwai wani abu game da shagwaɓar tata da yake sanya shi jin kamar fushinsa bashi da tasiri... A can kicin kuwa, Ching Ching ta samu dankali guda dari a gaba. Ta kalli babban robot din kicin ɗin, ta harare shi. "Kai ma kallo na kake yi ne? To maza ka fara yankan nan, ni zan zauna in rinƙa kallon yadda kake yi, tunda Daddy na ya ce kowa ya bauta min!".. Ta jawo kujera ta zauna, ta ɗauki dankali ɗaya ta fara wasan kwallon ƙafa da shi a cikin kicin ɗin, tana ihu... "Gool!!! Na ci bokan Pavilion gool!!!".... ✨ Bayan kwana ɗaya... A cikin babban ɗakin bincike na Pavilion (The Science Lab), Gely tana tsaye a jikin wata na’ura tana loda bayanai... Wannan shi ne lokacin da Gely take tsit, ba ta motsi kamar gunki... Ching Ching ta shigo ɗakin sanda-sanda, hannunta riƙe da wata ƙatuwar waya screwdriver wadda ta sato a wurin bincike tana gyara, da kuma wata ’yar ƙaramar na’urar wasa da aka aiko mata daga Alhamra mai kukan dabbobi... "Yau dai kin shigo hannu, ke wannan robot mai baƙar siffa," Ching Ching ta raɗa a hankali tana turo baki... "Kin cika takura min, kowace asuba sai kin zo kin tada ni da wannan muryar taki kamar na tsuntsun karfe. Yau kuma muryar kaza zan sanya miki, don ki rinƙa kukan kakarakaaa idan gari ya waye...!" Ching Ching ta zagaya bayan wuyan Gely, inda ta ga wasu ƙananan ƙofofin lantarki. Ta fara kici-kicin buɗewa da wayar hannunta. Cikin sa’a, ta latsa wani wurin da aka rubuta “Voice Output Module”... "Ina kike ne? Eh, ga ta nan!" Ta ciro wasu wayoyi guda biyu ta haɗa su da na’urar wasan tata mai kukan kaza. A dai-dai wannan lokacin, Chief Onyx yana can ofis ɗinsa tare da wasu manyan baƙi daga ƙasashen Turai waɗanda suka zo tattaunawa kan tsaron duniya... "Chief, muna buƙatar jin bayanan tsaro daga bakin Gely," in ji ɗaya daga cikin baƙin. Chief ya latsa agogonsa, "Gely, zo ofis yanzu, kuma ki ba mu rahoto kan matakin tsaron Pavilion." A can ɗakin bincike, idanun Gely suka kawo hasken ja, alamar ta tashi daga bacci. Amma Ching Ching ba ta gama haɗa wayoyin ba! "Wayyo! Ta tashi!" Ching Ching ta tura wayoyin da ƙarfi ta danna su da gam, sannan ta gudu ta ɓuya a bayan labule. Gely ta nufi ofishin Chief da takunta na ƙarfe tak-tak-tak. Ta shiga ofishin, ta tsaya a gaban Chief da baƙin nasa.. "Yes, Boss. Gely is ready," Gely ta buɗe baki za ta yi bayani... Maimakon muryar na'ura mai sanyi, sai aka ji.. "Kakarakaaaaaa! Ƙuƙuruƙuuuuuu!" Baƙin Turawan suka zabura suka miƙe tsaye. Chief Onyx ya zaro ido, ya kalli Gely cikin mamaki... "Gely, me kike yi? I said give us the security report!" Gely ta sake buɗe baki tana ƙoƙarin cewa "Status Secure," amma sai aka ji.. "Kaza-kaza-kaza! Ƙuƙu-ƙuƙu-ƙuƙu!" Ɗaya daga cikin baƙin ya fashe da dariya... "Chief, shin wannan sabon salon tsaro ne? Ko kuma robot ɗinka ta koma gidan gona?" Chief Onyx ya ji fuskarsa ta yi zafi, jijiyoyin kansa suka tashi. Ya san ba kowa ya yi wannan aikin ba sai bala'in da yazo da ita daga Alhamra... "Gely! Shut down immediately!" ya daka mata tsawa... Gely ta